بسم الله الرحمن الرحيم

مئات القنوات شغاله أعلانات على مسلسلات وبرامج فنيه فى رمضان

معقوله رمضان كده؟

رمضان مش فرجه على المسلسلات

ونضيع وقتنا قدام التلفزيونات

برنامج تافه وبعديه مسلسل اتفه على شوية اعلانات سمنه ورز وزيت

وساعه بتضيع ورا ساعه ويوم هيضيع ورا يوم

هنلاقى فى الاخر خلص وضاع رمضان

العمر اللى بيضيع فى حجات تافهه اكيد هنندم عليه

وخاصة فى رمضان

رمضان مش هنفطر ايه وهنتسحر ايه


رمضان هنقرا وهندرس قران قد ايه

رمضان هنصلى نوافل قد ايه

رمضان هنصلى فين بالليل العشا والتراويح

رمضان هنصلى بالليل النهارده بتدبر

ونصحى نصلى قبل الفجر ونصلى الفجر حاضر

ونحسن من نفسينا ونتوب ونستغفر لربنا

ونزكى عن اموالنا ونعطى فقرائنا

لعل يكون رمضان السنه دى سبب لدخولنا الجنه وعتقنا من النار وغفران زنوبنا


ونهاية رمضان يجى يوم الجايزه
مين هيربح الجايزه ومين هيخسر ويضيع رمضان من حياته ممكن مايتكررش علينا تانى

والجايزه هى

قال صلى الله عليه وسلم
"من صام رمضان إيمانا واحتسابا غفر له ما تقدم من ذنبه"
"ومن قام رمضان إيمانا واحتسابا غفر له ما تقدم من ذنبه"
"ومن قام ليلة القدر إيمانا واحتسابا غفر له ما تقدم من ذنبه"
**


واخوانا فى فلسطين تحت احتلال وتضيق على ارزاقهم ماتنسوهمش
رمضان فرصه كبيره لينا ويارب اجعلنا من من فاز بها

ودعواتكم