صبرا جميل

من طرف **المتمرد** 11/5/2008, 16:01

صرخة حقوق (المطحونين )...
والمكبوتين ..
والمسجونين ...
م اللى إنضرب بيهم( مَثَـل )..
على إنهم رمز الــ ( أمــل )
واللى لبلاده قام( غَزَل ) ..
توب الامانة والوفا ..
واللى إختفى
واللى إتنفى
واللى (إتنسى) فى المعتقل ..
واللى إكتفى ..
بالشكوى لله ضدهم ..
والمدبوحين من صغرهم ..
علشان حكومة (مصرهم )
لبست خلاص ( توب الهَزَل )
واللى الشجاعة ( لمَّها )
من همه لاقت حتفها ..
واللى انقتل ..
واللى بـــ (بطيابه ) حلمهم
تاه عنهم ..
ومافيش أمل ..
واللى إنحنى للهيمنة ..
واللى بوليد الخوف ( حَمَل)
واللى إحتمل ..
تعذيب لايمكن يُحـتمل !
وكمان حكومة ظلمها
يِِنـقـط .. يجيب
للشاب من بعد إبتسامة
خوف وشيب
صرخة حروفك عندنا ...
يا أمين يا ديب ..
وصـلت مساكن قلبنا ..
( إمضاء حبيب )
***********
صرخة حقوق ( تاهت فى توهة صمتنا )
من بين حروفك يا (بــــــطـل )
شقِّـت رصانة ميت جبل ..
بقصيدة وشوية زجل ,,
خافت حكومة مصرنا ( المستعفـيين )
وجابوك فى وسط الــ ( معتقل )
فـــ ( لـومان طره ) علشـان تلـين ..
وده بُعدهم ,,
دى حروف كتبها الشيخ ( أميــن )
طب نفترض .. ياهل ترى !!؟
هاتخاف كفوفه تستكين ..
هل ياترى !!
هاتخـاف ( حروفه ) , وتنحنى ..
لأ ..
دى الحروف بين كلمته ..
تغلب شجاعة ( عنتـــــــرة )
هاتقوم عليهم مجزرة ...
لو كل طلقة فــ وش حرفه مُشهرة..
تصمد حروفه كالاســود ..
وتخطِّى بالحق( المتيــــــــــن )..
تهدم موانع سدهم ..
وتهِّدهم ..
وتبدد الخوف والشقا فى (المظلومين )..
وتفت حبـل المشنقه ..
وتفك كرب ( المشنوقين )
**************
ونهاية الكلمات ( بقى )
سلامات إليك يـــــــا شيخ ( أمين )
( وإياك تبطل تنتفض أو يوم تلين )
دى الكلمة فى الايام دى
( سيف المظلومين )
سلامات إلى (( جدران )) طره
وإخواتنا فى( الآه والأنين) ..
ولكل واحد عندكوا ..
من أهلنا الــــ ( مستضعفين )
وأكتب على جدران طره ..
(( هانهده لو من بعد حين ))
علشان بيسكت ..
ع المظالـم فى البلاد ( طول السنين )
وأكتب كمان ..
على كل حيطة فى( اللومان )
(صبرُن جميــل ..
واللهُ هوا المســتعان ..)
صبرُن جمـيل ..
ع المسخرة فى الــ (إعلانـات )
والرقص على صوت (البنات )
والإمتهـان ..
والنوم على بساط الهوان ..
صبرُن جميـل ..
بكره المؤذن(ينتفـض )
ويعلِّى صوته بالادان ..
صبرُن جميل ..
والله هوا المستعان ..
صبرُن جميـل ..
والله هوا المستعان ..
**********
( محمود البنا )

تضامنا مع امين الديب

من طرف نهر 18/5/2008, 19:07

صبرا جميل

صبرا جميل

رد: صبرا جميل