في عيد ميلادك الكام وسبعين

من طرف عادل 12/5/2008, 13:23

دي قصيدة لاحمد فؤاد نجم قديمة شوية (من كام سنة يعني)
بس لسة صالحة الاستخدام

...................................في عيد ميلادك الكام وسبعين ...
..
.............................................احمد فؤادنجم
...
...
...سيدي الرئيس في عيد ميلادك الكام وسبعين كل سنة وانت طيب واحنا
...مش طيبين
.... كل سنة وانت حاكم واحنا محكومين واحنا مظلومين واحنا متهانين
...ويا تري يا حبيب الملايين فاكرنا ولا احنا خلاص منسيين؟؟؟
.... فاكر المعتقلين فاكر الجعانين فاكر المشردين فاكر اللي ماتو محروقين
...فاكر الغرقانين الله يكون في عونك - ها تفتكر مين وللا مين
....في عيد ميلادك الكام وسبعين بقول لك كلمتين
الأوله شيلتنا طين و هل تعلم أن النيل بقي رشاح ؟؟؟
....و الجو أصبح بيئة والعيشة ولعة
....و الشرفا قلوبهم عالبلد والعة
....و انت عاملهم مذبحة ولا بتاعة القلعة
....و الإقتصاد سداح
....و السرقة بقت كفاح
... و مصر متاحة بس للسياح
... و عرض البلد بقي مستباح
و الثانية ورتنا الويل
....دا الخطوة في عهدك بقت ميل
....و الضحك بقي نواح و عويل
...و الكوسة ...عارف الكوسة ؟؟؟ ممكن أقول لك فيها مواويل
.... و الجامعة بقت يا إما كباريه أو دار مسنين
....و الشباب معظمهم من غير خمرة سكرانين
....و العلم عز علي المتعلمين
....و الأساتذة بقم دجالين
....و القادة بقم طبالين
....و اديني في الهايف يا حبيب الملايين
و الثالثة عارف اليابانيين زمان في سنة اتنين و خمسين
.... كان عندنا تروماي و كان عندنا علم و متعلمين
....و ثقافة ومثقفين و أدبا و علما و فنانين
.... و كانو اليابانيين بالنووي لسه مضروبين
....و للصدقة مستحقين
....دلوقتي إحنا فين و هما فين
.... هما فوق و احنا .......في أسفل سافلين
و الرابعة أمن بلدنا بقي تنين و المحاكم اتملت
...مظالم
...و العدالة بقت كمالة
و كلمة الحق في الزبالة
و أصحابها في الزنازين
و الخامسة القطاع العام....عام و الفساد.....ساد وفي جتة بلدنا بيرعي
....أفتكر لجنابك إيه و للا إيه و كل ذكري ليك بدمعة
...آآآآآآآآه آآآآآآآآه أنا كنت حالف ميت يمين أكملهم لك تمنية و سبعين
...بس ها كفيهم ورق منين و كل سنة و انت ............ و احنا طيبين

من طرف **المتمرد** 12/5/2008, 14:02

قشطه عليك ياريس عادل

هههههههههههههههههههه

دا بقا كام وتمانين ياكبيرنا

من طرف reda elra7man 12/5/2008, 21:39

عارف الكوسه ؟؟؟؟؟؟؟؟؟؟
نفسي فيها
هههههههههههههه
كل سنه وهوه بخير أللهم اهدي أولي ألأمر منا وولي أمورنا خيارنا

من طرف **وفاء محمود** 14/5/2008, 00:56

ابقو قولولي بتشترو العيش والحلاوة منين؟

علشان ابقى ازوركم

pale

من طرف **didi** 14/5/2008, 03:36

كل سنه وهوا طيب .. وبخير وصححححححححه وسسسسسسسلامه

من طرف **وفاء محمود** 14/5/2008, 04:20

هههههههههههههههههههههه

يا جبانه

من طرف عادل 14/5/2008, 11:26

هيثم انت ضعيف في التاريخ ولا مبتعرفش تحسب
دول كلهم 80 سنة بس و10 تيام بالتمام والكمال
دة تاريخ دولة وشعب يا حج هيثم
(يوم ان ولدت مصر من جديد)
علي راي جريدة الاهرام اللي كانت جريدة محترمة
وبقت وكر للمنافقين وكدابين الذفة

ومش عارف يا فور ايفر اية علاقة الكوسة بالموضوع
الا اذا كنتي عايزة تبعتيلة 2 كيلو كوسة هدية عيد ميلادة

بصي يا وفاء عارفة بتاع العصير اللي تحت الكوبري
جنب منة علي طول واحد بيبيع حلاوة
اما العيش بقي دي حدوتة
تقفي في طابور من 3 الي 5 ساعات
وممكن تجيبي وممكن لا
والخوف انك تخرجي بعاهة مستديمة
او تبقي من شهداء الخبز

اما ديدي دي بقي فباين عليها من لجنة السياسات
او من جمعية المستقبل
ولا من شباب حورس
اللهم اجعل كلامنا خفيف عليهم

من طرف reda elra7man 14/5/2008, 12:50

طب السؤال مره تانيه
عارف الكوسه؟؟؟؟؟؟
المره دي مش أكل المره دي سؤال بجد
هاتشوفها هنا كتير
ذي ماقلت جريدة ألأهرام والمصالح الحكوميه والخ

من طرف **وفاء محمود** 14/5/2008, 20:11

حاضر يا عادل هجيب حلاوة

اما العيش فشكلي هجيبه معايا من الاردن

لانه واضح انه اسهل

وربنا يطلعكو بالسلامه

اشوفكم على خير

من طرف عادل 14/5/2008, 22:52

يا حاجة فور ايفر انا صعيدي
يعني بفهم ساعات وساعات
بس لسة ماخربش اية علاقة الكوسة بالموضوع
هتقولي عارف الكوسة
هاوقلك ايوة عارفها
ويعني اية هاشوفها هنا كتير
انتم بتوزعو كوسة للاعضاء ولا اية
يا مفرقين الكوسة انا مخدتش

من طرف **وفاء محمود** 14/5/2008, 23:16

ههههههههههههههههههههههه

استنى طيب يا عادل لما نشوف لف هتقول ايه

ونعرف حكاية الكوسا

وبعدين من عينيا

احلى 3 كيلو كوسا لعيونك

:D

من طرف reda elra7man 15/5/2008, 20:14

طب عاوز الكوسه مطبوخه والا انت هاتسويها بطريقتك
ههههههههههههههههه
عارف الكوسه؟؟؟؟؟
هههههههههههههههه

من طرف نهر 18/5/2008, 14:51

من طرف **didi** 20/5/2008, 13:58

انا مش من دول ولا دوكهم ... انا الشعب انا الشعب والشعب انا

هههههههههههههه

lol!

من طرف فلوريندا 20/5/2008, 18:01

بارك الله فيك
اللهم اطال فى عمر ريسنا الحبيب وزده مالا وسلطة
حفظك الله وراعاك يا حبينا الريس وزاد اولادك واحفادك عددا ومددا
ههههههههههههههههههههه
شكرااااااااااااااااااااااااااااااااااااااااااااا
جزاك الله خيرا
:park??:

في عيد ميلادك الكام وسبعين

في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين

رد: في عيد ميلادك الكام وسبعين