بأبي انت وأمي يا رسول الله


انضم إلى المنتدى ، فالأمر سريع وسهل

بأبي انت وأمي يا رسول الله
بأبي انت وأمي يا رسول الله
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يـــــــــــامنـــــــــــــــه

3 مشترك

اذهب الى الأسفل

يـــــــــــامنـــــــــــــــه Empty يـــــــــــامنـــــــــــــــه

مُساهمة من طرف عابد 10/6/2008, 22:24


والله وشبت ياعبد الرحمن
عجزت ياواد ؟
مسرع ؟
ميتى وكيف ؟
عاد اللى يعجز
فى بلاده
غير اللى يعجز ضيف
هلكوك النسوان ؟
شفتك مره فى التلفزيون
ومره ورونى صورتك
فى الجورنان
قلت كبر عبد الرحمن !!
امال انا على كده مت
بقى لى ميت حول !!
والله خايفه ياولدى القعده تطول
مات الشيخ محمود
وماتت فاطنه اب قنديل
واتباع كرم اب غبان
وانا لسه حيه
وباين حاحيا كمان وكمان
عشت كتير
عشت لحد ماشفتك عجزت
ياعبد الرحمن
وقالولى قال خلفت
وانت عجوز خلفت ياخوى
وبنات ؟
امال كنت بتعمل ايه
طيلة العمر الفات ؟
دلوقت مافقت ؟
وجايبهم دلوك تعمل بيهم ايه ؟
على كل
اهى ريحه من ريحتك
ع الارض
يونسوا بعض
ماشى ياعبد الرحمن
اهو عشنا وطلنا منك
بصه وشمه
دلوك بس مافكرت فى يامنه
وقلت ياعمه
حبيبى انت ياعبد الرحمن
والله حبيبى وتتحب
على قد ماسارقاك الغربه
لكن ليك قلب
مش زى اولاد الكلب
اللى نسيونا زمان
حلوه مرتك وعيولاتك
والا شبهنا
سميتهم ايه
قالوا ايه ونور
ماعارفش تجبلك حتة واد
والا اقولك
يعنى اللى جبناهم
نفعونا فى الدنيا بايه
غيرشى الانسان مغرور
ولسه يامنه
حاتعيش وحاتلبس
لما جايبلى قطيفه وكستور
كنت اديتهمنى فلوس
اشترى للركبه دهان
ابا...ى
يامجلع قوى ياعبد الرحمن
طب دانا ليا ست سنين
مزروعه فى ضهر الباب
لم طلوا عليا احبا
ولا الاغراب
خليهم ينفعوا
اعملهم اكفان !!
كرمش وشى
فاكر يامنه
وفاكر الوش
اوعه تصدقها الدنيا
غش فى غش
اذا جاك الموت ياوليدى
موت على طول
اللى اتخطفوا
فضلوا احباب
صاحيين فى القلب
كان ماحدش غاب
واللى ماتوا
حته حته
ونشفوا حيين
حتى سلامو عليكو
مش بتعدى
من بره الاعتاب
اول مايجيك الموت
افتح
اول ماينادى عليك اجلح
انت الكسبان
اوعى تحسبه حساب
ولا واد ولا بت
ده زمن يوم مايصدق
كداب
سيبهاله بالحال والمال
وانفد
اوعى تبص وراك
الورث تراب
وحيطان الايام طين
وعيالك بيك
مش بيك عايشين
يوه .... يارمان
مشوار طولان
واللى يطوله عن يومه
ياحبيبى حمار
الدوا عاوزاه
لوجيعة الركبه
مش لطوالة العمر
اوعه تصدق الوانه
صفر وحمر
مش كنت جميله ياواد
مش كنت وكنت
وجدعه تخاف منى الرجال
لكن فين شفتونى
كنتوا عيال
بناتى ( رضيه ) "ونجيه "
وماتوا وراحوا
وانا اللى قعدت
طيب يازمان
اوعه تعيش يوم واحد
بعد عيالك
اوعى ياعبد الرحمن
فى الدنيا
وجع وهموم
اشكال والوان
الناس مابتعرفهاش
اوعرهم
لو حاتعيش بعد عيالك
ماتموت
ساعتها بس
حاتعرف
ايه هوه الموت
اول مايجيلك نط
لسة بتحكيلهم بحرى
حكاية فاطنه
وحراجى القط
اباى ماكنت شقى وعفريت
من دون
كل الولدات
كنت مخاوى براوى
وكنت مخبى فى عنيك السحراوى
تملى حاجات
زى الحدايه
تخوى ع الحاجه وتطير
من صغرك
بضوافرواعره
ومناقير
بس ماكنتش كداب
وادينى استنيت فى الدنيا
لما شعرك شاب
قدم البيت
اتهدت قبله بيوت
واصيل هوه
مستنينى لما انوت
حتيجى العيد الجاى
وحتشرب
مع يامنه الشاى
***
حاجىياعمه وجيت
لالقيت يامنه
ولا البيت
***
عبد الرحمن الابنودى
عابد
عابد
عضو نشيط
عضو نشيط

عدد الرسائل : 94
تاريخ التسجيل : 11/05/2008

الرجوع الى أعلى الصفحة اذهب الى الأسفل

يـــــــــــامنـــــــــــــــه Empty رد: يـــــــــــامنـــــــــــــــه

مُساهمة من طرف المتمرد 11/6/2008, 08:53

القصيده دى بحبها قوى


شكرا عليها ياعابد
المتمرد
المتمرد
مدير
مدير

عدد الرسائل : 1873
العمر : 41
المزاج : عال والحمد لله
رقم العضوية : 19
البلد : eg
تاريخ التسجيل : 23/02/2008

https://www.facebook.com/#!/profile.php?id=758538293&ref=

الرجوع الى أعلى الصفحة اذهب الى الأسفل

يـــــــــــامنـــــــــــــــه Empty رد: يـــــــــــامنـــــــــــــــه

مُساهمة من طرف فلوريندا 18/6/2008, 14:05

lol!
:park??:
فلوريندا
فلوريندا
عضو فضى
عضو فضى

عدد الرسائل : 197
العمر : 39
المزاج : D: (:
رقم العضوية : 23
تاريخ التسجيل : 25/02/2008

http://360.yahoo.com/my_profile-Gc1IbqQjdLwZiDOrPrTdO9Pu;_ylt=Ag

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى