بأبي انت وأمي يا رسول الله

حتة حلم

استعرض الموضوع السابق استعرض الموضوع التالي اذهب الى الأسفل

حتة حلم

مُساهمة من طرف المتمرد في 12/6/2008, 12:59

أما أنا يا ابني شفت لك امبارح حتة حلم
أغرب من أغرب فيلم
شُفت لك الديك بطاقية حمرا و جلابية
واقف بيكلّم شمس الصبحية
يا شموسة يا ام ضفاير دهبية
دهبِك فالصو.. قُصّيه و ارميه

الشمس انكسفت خالص
بقى لونها أصفر خالص
زي لمونة من الدهب الخالص
و انعصرت خالص
و قالت له بصوتها الدهبي
تقصد إيه؟

قال لها
لو سبتي السما و نرلتي السوق
الناس حيبصوا لك من تحت لفوق
و يقولوا
و دي تنفعنا بإيه؟

لو كنتي جنيه
كنت اشتري بيكي مصاصة و بالون اتنطط بيه
لو كنتي جنيه أو حتى قرش نحاس
مش كنتي بقيتي مفيدة لكل الناس؟

فكرّت الشمس الدهبية شوية
و قالت للديك
إنت ولا فاهم حاجة يا ديك
و عامل لي فكيك
ده لولايا عليك
ما كنت طلعت من البيضة
و لا كنت اتعلّمت الغنا و المزازيك

و لولايا على الناس و الدنيا
ما كانتش الأيام البيضا تصبح بيضا
ولا كانت أرض الناس تولد فاكهة
و سنابل و فاصوليا
و لا ورد ندوّبه في كلونيا

الديك المتكلّم .. بلّم
و جري يا فكيك من غير ما يحيّي و لا يسلّم
و صحيت و انا باصرخ و اتكلّم
خدوا كل فلوسي .. ورق و دهب و نحاس
و سيبوا لي الشمس يا ناس
سيبوا لي الشمس يا ناس
سيبوا لي الشمس يا ناس

من ورا ستارة الليالي
شمس بكرة جايّة تاني
إحنا شايفينِك تعالي
يا ام ضحكة برتقاني

العروسة الدهبية
جايّة و ف شفايفها وردة
شمس بكرة جايّة جايّة
بكرة أجمل م النهارده

شُفت يوم عصفورة نونو
لسه طالعة من أودتها
ريشها كان مبلول و لونه
لون غناها و صوصوتها

قمت قُلت ف عقل بالي
بقى دي جناحها يشيلها؟
سِبتها و مشيت في حالي
بعد مدة قلت آجي لها

قال لي واحد من جيرانها
ياه دي طارت ليها مدة
قلت معنى طيرانها
بكرة أجمل م النهارده

شُفت مرة مهرة سمرا
نونو ماسكة ف ديل مامتها
قُلت بكرة حتبقى حرة
تجري وحديها براحتها

عدى شهر و شهر تاني
شُفتها فرسة جميلة
تنطلق تجري ف ثواني
تقطع الرحلة الطويلة

قمت قلت لها قولي لي
ليه بتجري يا مهرة شاردة
قالت الريح بتنادي لي
بكرة أجمل م النهارده

من ورا ستارة الليالي
شمس بكرة جايّة تاني
إحنا شايفينِك تعالي
يا ام ضحكة برتقاني

العروسة الدهبية
جايّة و ف شفايفها وردة
شمس بكرة جايّة جايّة
بكرة أجمل م النهارده



سيد حجاب

_________________


https://www.facebook.com/haytham706




ان اعجبك ماوضعته لك فلا تقل شكرا

ولكن قل

اللهم اغفر له ولوالديه وللمسلمين اجمعين لترد عليك الملائكه فتقول لك ولك بالمثل




avatar
المتمرد
مدير
مدير

عدد الرسائل : 1872
العمر : 34
المزاج : عال والحمد لله
رقم العضوية : 19
البلد : eg
تاريخ التسجيل : 23/02/2008

معاينة صفحة البيانات الشخصي للعضو http://www.facebook.com/#!/profile.php?id=758538293&ref=

الرجوع الى أعلى الصفحة اذهب الى الأسفل

رد: حتة حلم

مُساهمة من طرف reda elra7man في 17/6/2008, 20:30

حلوه قوي
خصوصا المصاصه
ههههههههههههههههه
هات ماصه بقى
هههههههههههههههه
avatar
reda elra7man
vip
vip

عدد الرسائل : 904
المزاج : حياه ورديه واحلام العصافير
رقم العضوية : 45
تاريخ التسجيل : 29/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتة حلم

مُساهمة من طرف فلوريندا في 18/6/2008, 19:53

شمس بكرة جايّة جايّة
بكرة أجمل م النهارده

هههههههههههههههه
تمام
lol!
:park??:
avatar
فلوريندا
عضو فضى
عضو فضى

عدد الرسائل : 197
العمر : 32
المزاج : D: (:
رقم العضوية : 23
تاريخ التسجيل : 25/02/2008

معاينة صفحة البيانات الشخصي للعضو http://360.yahoo.com/my_profile-Gc1IbqQjdLwZiDOrPrTdO9Pu;_ylt=Ag

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى