ح اتجن..بيرم التونسى
2 مشترك
صفحة 1 من اصل 1
ح اتجن..بيرم التونسى
حاتجن يا ريت ياخوانا مارحتش لندن و لا باريز
دي بلاد تمدين و نضافه و ذوق و لطافه و حاجه تغيظ
مالقيتش جدع متعافي ، و حافي ، و ماشي يقشر خص
و لا شحط مشمرخ افندي معاه عود خلفه و نازل مص
و لا لب اسمر و سوداني و حمص و انزل ياتقزقيز
حاتجن ياريت ياخوانا مارحتش لندن و لا باريز
و لا عركه ف نص الليل دايره بالحيل و ساحبها بوليس
قدامها جدع متجرجر وشه معور قال ده عريس
الخلق ما هي بتتجوز و اشمعنى احنا ما فيش تمييز
حاتجن ياريت ياخوانا مارحتش لندن و لا باريز
و لا واحده ف وش الفجر تبرطع ماليه الدنيا صوات
قال إيه جوز خالتي ام احمد سلفة اخوها السيد مات
سبحانك ما اعظم شأنك و الله الموت دا مفيد و لذيذ
حاتجن ياريت ياخوانا مارحتش لندن و لا باريز
و لا واحد طالع يجري و واحد تاني بيجري وراه
و يقول ها هع حصلتك يابن اللي ابصر إيه عاملاه
لا الشارع غيط ياخوانا و لا احنا بداره و لا احنا معيز
حاتجن ياريت ياخوانا مارحتش لندن و لا باريز
و لا واحد بيبيع حاجه يقول بريال و تاخدها بصاغ
ياخوانا دي حتى الإبره تاخدها بدوشة و قلب دماغ
حلفان و عراك و مناهدة و يمكن ضرب كفوف يا حفيظ
حاتجن ياريت ياخوانا مارحتش لندن و لا باريز
و لا فيش ميت ألف صعيدي بتوع يانصيب هاجمين و لا فيش
ميت ألف معوض داعس جاي معاه صندوق ورنيش
و الله كرهت القهوه و حرمت أقعد ع الأفاريز
حاتجن ياريت ياخوانا مارحتش لندن و لا باريز
__
رد: ح اتجن..بيرم التونسى
هوه اللي غلظان ايه اللي وداه ماهو قاعد وابن ناس اهوه والا يروح يبحلق للناس في تقدمهم
احنا ذي الفل
احنا ذي الفل
reda elra7man- vip
- عدد الرسائل : 904
المزاج : حياه ورديه واحلام العصافير
رقم العضوية : 45
تاريخ التسجيل : 29/02/2008
مواضيع مماثلة
» الشـــــــــــــــرق..بيرم التونسى
» الجماهير..بيرم التونسى
» الا النسوان...بيرم التونسى
» الفــــــــلاح.. الاوله أه..بيرم التونسى
» اقطعوا ايد الحرامى..بيرم التونسى
» الجماهير..بيرم التونسى
» الا النسوان...بيرم التونسى
» الفــــــــلاح.. الاوله أه..بيرم التونسى
» اقطعوا ايد الحرامى..بيرم التونسى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى