العيون
صفحة 1 من اصل 1
العيون
من العيون يا سلام سلم___شوف وأتعلم
تحت البراقع تتكلم____والدنيا نهار
----------------------------------
عيون تقولك أنا عارفاك___والنبى ما انساك
من يوم ما شفتك م الشباك___يا جدع يا صغار
---------------------------------
وعيون تقولك قصدك ايه___بتبحلق ليه
مالكش شغل تعس عليه___يا راجل يا حمار
--------------------------------
وعيون تقولك بالمحسوس___انا عاوزة فلوس
وان شالله حتى تحوس وتدوس___انا عاملاه كار
------------------------------
وعيون تقولك امشى يا واد___انا ام ولاد
وعيون تقولك عندى ميعاد___ويا السمسار
-----------------------------
وعيون تسبل فوق الخد___دى جد ف جد
وعمرها ما تكلم حد____عيون احرار
---------------------------
وعيون تحقق فيها بشوق___تهرب على فوق
بتقولك ابعد عنى بذوق___نظراتك نار
--------------------------
وعيون ما تعرف زعلانه___او فرحانه
صباح مسا أهى سهتانه___صاحبة أفكار
بيرم التونسى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى