بخمسين قرش

من طرف **المتمرد** 20/1/2009, 16:40

بخمسين قرش ترفع ميكرفونك

لوش الفجر , و زيادة شويه

و خمسين قرش , توضع نص درهم

في جيب خصمك و ترميه في بليِّه

و خمسين قرش , تنهب أجزخانه

من المستشفيات القاهرية

و خمسين قرش , يعفيك المفتّش

من الغرامات , و يشطب لك قضيه

و خمسين قرش , تتبدّل محاضر

بتهمه عليك و تتحوّل عليه

و خمسين قرش , شيخ حارتك يخلِّي

ولادك , يهربوا من العسكريه

و خمسين قرش , محفظتك تعود لك

من النشال بالوسطه القويه

و خمسين قرش أكتب لك مقاله

بأنك من رجال العبقريه

**

او ان شئت فقل بخمسين جنيه
بمقياس عصرنا الحالى

من طرف humanity 20/1/2009, 22:01

طب خد جنيه واعمل كل ده
ماانت حزب وطني بقى
بقيت واسطه

من طرف **المتمرد** 22/1/2009, 20:01

طب خليهم جنيه وربع

انتى من المعارضين البخلاء ولا ايه

من طرف humanity 22/1/2009, 21:57

لأ ياعم شكرا
اعمل انت لواحدك مش انا الشخصيه اللي اساهم في الفساد ربنا يخليك قدها وقدود
هههههههههههههههه
طب يااخويه مسمي نفسك متمرد على ايه خاليها مؤيد متواطئ
او اقولك فكره احسن سمي نفسك الفكر الجديد
واتحفنا

من طرف **المتمرد** 22/1/2009, 22:16

تصدق يا اخ عبد الحميد

شكلك انتا من بتوع الفكر الجديد

lol!

من طرف humanity 22/1/2009, 22:20

ايه اللون ده هو النور قطع والا أيه انا بخاف من الضلمه الحق اجري
ياماما
انا ياعم مش حزب وطني الدور والباقي على ناس

من طرف **المتمرد** 22/1/2009, 23:11

اه احنا طفينا ورشينا قدام المنتدى عشان هنقفل

وهنفتح الصبح

من طرف humanity 24/1/2009, 01:44

انت بتشتغل في محل بقاله يابني
طب اديني بالجنيه بتاعي جبنه رومي
اهي حاجه ناخدها في الليله دي

من طرف **المتمرد** 24/1/2009, 09:09

مافيش جبنه رومى

وبعدين مافيش حاجه بجنيه دلوقت يأنسه

انتى مش من البلد دى ولا ايه

ههههههههههه

بخمسين قرش

بخمسين قرش

رد: بخمسين قرش

رد: بخمسين قرش

رد: بخمسين قرش

رد: بخمسين قرش

رد: بخمسين قرش

رد: بخمسين قرش

رد: بخمسين قرش

رد: بخمسين قرش