لا .. لا ياقلبي

من طرف **didi** 3/3/2009, 21:41

لا لا يا قلبي

لا مستحيل

اياك تسلم .. اياك تميل

دا حبه لسا محتاج دليل

صعبه المهانه

مرة الخيانه

والدمعه تجري عالخد وتسيل

وييجى سعادته

شايل كآبته

وزي عادته .. يسيبك ذليل

ويلف بعدك

ولا يشكي بعدك

وانت لوحدك محتاج له خليل

لا .. لا يا قلبي .. لا مستحيل

اياك تسلم .. او حتى تميل

********************

اوعى يا قلبي تحبه اوعى

دا الحب اصله عذاب ولوعه

خوف الفراق

والاشتياق

لهفه وحنين عند اللقاء

وفجأه تنسى سهر الليالي

تنسى الآهات .. كل اللى فات

والم الساعات .. في وجود الغالي

اوعى يا قلبي ترجع له اوعى

دا طبعه لسا مليان ملاوعه

****************

انفد بجلدك يا قلبي .. واهرب

وسيب العذاب .. من الدنيا قرب

عيش الحياة .. عيش وجرب

هتلاقي حب

هتلاقي ود

هتلاقي دنيا حلوة بجد

وتلاقي دفا

وتلاقي وفا

وتلاقي صدق من زمان اختفى

عيش الحياه.. يا قلبي عيش

سعاده وفرحه ماتنتهيش

وهوا عليل

يشفي الغليل

في صحبة جميله .. ماتتنسيش

عيش الحياه .. عيش وجرب

خليك قريب

واياك تغيب

خليك حبيب .. وللناس اقرب

من طرف **وفاء محمود** 3/3/2009, 22:06

عيش الحياة .. عيش وجرب

هتلاقي حب

هتلاقي ود

هتلاقي دنيا حلوة بجد

وتلاقي دفا

وتلاقي وفا

...............

ما انتي مهما لفيتي ودرتي

اكيد مش هتلاقي غير وفاء يختي

امال مين ليكي غيري

بس حلوة يا ديدي بجد

تسلم ايديكي :D

من طرف **didi** 3/3/2009, 22:09

مغسي يا فوفتى

اخجلتى تواضعى اللى مابيتكسفش خالص

:D

والاحلى انها عجبتك يا قلب ديدي

cheers

لا .. لا ياقلبي

لا .. لا ياقلبي

رد: لا .. لا ياقلبي

رد: لا .. لا ياقلبي