بأبي انت وأمي يا رسول الله

بابا يا بابا

استعرض الموضوع السابق استعرض الموضوع التالي اذهب الى الأسفل

بابا يا بابا

مُساهمة من طرف عادل في 25/3/2008, 15:37

بابا يا بابا

بمنتهي البراءة
سألتني بنتي نور
ف أربع خمس أمور
مش ف كتاب القراءة
قالتلي بابا يا بابا
مش أنت يا بابا
بتكتب أغاني
وتقول إشعار
أنا سمعت الشيخ يا بابا
بيقول انك يا بابا
ها تروح النار
زى الناس الوحشين
الحرامين الكفار
قولي يا بابا
يعني أية استعمار
يعني أية نيل
يعني أية هرم
ومين إلي حط النسر دة
فوق العلم
يعني أية يا بابا استفتاء
ويعني أية انتخاب
ويعني أية حر
ويعني أية نصاب
ويعني أية اغتصاب
ويعني أية اختلاس
ويعني أية هجاص
ويعني أية خصخصة
ويعني أية يا بابا دستور
ويعني أية معارضة
ويعني أية مظاهرة
ولية النهاردة
خدنا إجازة من المدرسة
قولي يا بابا
يعني أية قهر
وأين يقع خط الفقر
ويعني أية حظ
ويعني أية زهر
ويعني أية يا بابا
حرية
يعني أية إنسان
ويعني أية سرطان
يعني أية يا بابا
خربوها
ومين دول ولاد القطقوطة
ومين دي
سمارة يا بابا
وازاي يا بابا
ضاعت من قلبك
وكنت فين لما خربوها
يا بابا
بابا
أنت معايا
فية يا بابا ناس
بتقول كفاية
وفية عساكر
ماسكين عصايا
وبنات متعورين
وتانين ماشين بيضحكوا
يا بابا هما دول اسرائليين
هما دول اسرائليين
قولتلها
نور
ممكن أسالك سؤال
قالتلي
أتفضل يا بابا
قلتلها
هية قناة سبيس تون
رقم كام
وخدتها
عشان تنام

علي سلامة الدستور 7_3_2007
avatar
عادل
عضو ذهبى
عضو ذهبى

عدد الرسائل : 250
رقم العضوية : 41
تاريخ التسجيل : 28/02/2008

معاينة صفحة البيانات الشخصي للعضو http://adelabdo.yoo7.com/index.htm

الرجوع الى أعلى الصفحة اذهب الى الأسفل

رد: بابا يا بابا

مُساهمة من طرف reda elra7man في 26/3/2008, 18:19

هههههههههههههههههه
مشكلته انه أخدها عشان تنام أو هو اللي ينام عن الحقيقه
ههههههههههههههههههه
البت دي شبهي وانا صغيره
ههههههههههههههههههه
بس انا كان لكل سؤال جواب بطريقه غير مباشره
ههههههههههههههههه
avatar
reda elra7man
vip
vip

عدد الرسائل : 904
المزاج : حياه ورديه واحلام العصافير
رقم العضوية : 45
تاريخ التسجيل : 29/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بابا يا بابا

مُساهمة من طرف عادل في 1/4/2008, 22:35

الموقف دة فعلا بيتكرر معايا كتير
الواد ابو لسان زالف والواد التاني ابو نص لسان
بيهروني اسئلة ولما اغلب معاهم ومعرفش اجاوب
افضل اقلب في القنوات لغاية ملاقي كرتون
ولو ملقيتش في التلفزيون اشغلهم الكمبيوتر
اي حاجة بس يحلو عني
ويبطلوا اسئلة من الي تغيظ
avatar
عادل
عضو ذهبى
عضو ذهبى

عدد الرسائل : 250
رقم العضوية : 41
تاريخ التسجيل : 28/02/2008

معاينة صفحة البيانات الشخصي للعضو http://adelabdo.yoo7.com/index.htm

الرجوع الى أعلى الصفحة اذهب الى الأسفل

رد: بابا يا بابا

مُساهمة من طرف reda elra7man في 2/4/2008, 21:19

يبقى مش فهمت تعليقي
انا قاصدي اننا نوري أولادنا الواقع بطريقه مبسطه يفهموها ونعلمهم ألمبادئ اللي يتعاملوا بيها مع الأمور حاسه انك مافهمتش تعليقي
avatar
reda elra7man
vip
vip

عدد الرسائل : 904
المزاج : حياه ورديه واحلام العصافير
رقم العضوية : 45
تاريخ التسجيل : 29/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى