ارسم صوره

ارسم صوره عن مصر
لن اقول مصر الحكومه
مصر الشعب
مصر البلد
مصر الموطن
لكن أقول مص كما تراها انت ؟؟؟
طبعا انا اخترت مصر لأنها وطني
ممكن تكون لأي عضو موطنه الاصلي

مش عارف لو رسمت صوره عن مصر هتكون ازاى

ممكون تطلع بالآلوان


او ممكن تطلع ابيض واسود

بس اكيد هرسم فيها شارع من شوارعها يمكن تكون بالليل والناس ماشيه على الكورنيش بتتفسح

او صورة سنارة صيد فى المايه

او صورة هرم ونيل


او صورة واحد قمحى لون كل الشعب المصرى

بس الاكيد انها مش هتطلع صوره واحده

هتطلع مئات الصور

احيانا بتكون أبيض واسود واحيانا بتكون ملونه على حسب احوال البلاد
بس هي الايام دي :****((:
بلاش احسن
وأكيد هي الصوره مركبه وزحمه

انا هارسم صوره لأم ماسكه أيد بنتها وبتعلمها أذاي ترسم لوحه
وداخل اللوحه امرأه عجوز على شاطئ النيل وقت الغروب والشمس بتتلاقى مع ألقمر ولون الميه اختلط بالأصفر والبرتقالي اللي عكسه الشمس
والسيده العجوز بتغسل وكمان بتملى مية وهي قاعده تذكرت ابن لها مات في الغربه ونزلت من عنيها دمعه لتختلط دموع ألأم بحمره الميه مش من لون الشمس لأ بدماء الفقيد
ويجئ الليل وتذداد الدنيا ظلام لتجئ مياه النيل وتملأ الشاطئ وتأخذ معها الهموم أو بالأصح تغسلها لشروق شمس يوم جديد
وبكده يبقى ألأم حفرت في أذهان الطفله ان بلدنا اتبنت بدماء اولادها فلازم نحافظ عليها

يااااااااااااااااااه
الصوره حزينه قوي بس ميزتها انها فيها نظرت تفاؤل في الاخر
انا بقى مش بعرف ارسم بس ممكن اتعلم
انا هارسم شمس بتطلع وقمره رايحه وفي شروق والكون منور
والندى في الفجريه بغسل الزهور
وريحة النيل ماليه المكان
وحب وخير وايدين بتبني
الصوره بالألوان على فكره