بحبك يا حمار ....!!!؟

من طرف **didi** 14/4/2008, 19:48

بحبك يا حمار

أغنيه اثارت جدل في الاونه الاخيره
وكنا في غاية الاستغراب من ظهورها وانتشارها بالشكل الغريب دا
يا ترى حد عرف .. يعنى مثلا يعنى .. الأغنيه دى انتشرت بالشكل الغريب دا ليه ...؟ وكمان بالسرعه دى ..؟
بس انا عرفت سر المحبه الفظيعه الشنيعه اللي بقت بينا مؤخرا وبين الحمار
وعرفت كمان السر اللي خلانا نفكر كدا وقلبنا يرق ويحن على الحمار

يا ترى السر دا إيـــــــــه....؟؟؟؟ ها

هوا مش سر يعنى ولا حاجه
الموضوع وما فيه ان في جريده اسمها 24 ساعه عملت تحقيق صحفي مرفق بالصور كدا والدلائل ان في بعض ... انا بقول بعض .. الجزارين بيدبحوا الحمير ويبيعوها للمواطنين ....!!!!!!! ه
المصيبه ان الصور كانت واضحه جدا وصور من موبايل كمان والحمار بيدبح .. واللي زاد وغطى ان الكلاب كمان بتدبح وتتباع للناس الغلابه
رغم انتشار الوحدات البيطريه والمفتشين البيطريين على اللحوم الا ان جزارين كتير (مافيا الجزارة ) بينفدوا من عملتهم واكن شيئا لم يكن على الاطلاق
واكدت المصادر البيطريه خصوصا في نواحى القاهرة عن اختفاء 5000 حمار في سنة 2007 فقط
بالعربي كدا ان في خمسة الآف حمار اختفوا في السنه اللي فاتت
يا ترى ال 5000 حمار دول راحوا فين ...؟
طاب كدا فين الرقابه البيطريه عند اختفاء اول 100 حمار ..؟.؟؟
بلاش ميه يمكن يكون عدد ضايع في الحوادث والموت وخلافه
فين الرقابه عند اختفاء اول 1000 راس بلاش حمار دى ....؟؟؟
وبما ان سعر كيلو اللحمه اصبح فوق ال30 جنيه
اذن سعر كيلو الحمار يبقى كااااااااااام؟؟؟؟
وبما ان ايضا الاسعار كلها نار في كل السلع حتى رغيف العيش .... يبقى لما يغلى سعر كيلو الحمار .. هيوصل لكااااااااااااام؟؟؟؟؟

وبما ان المواطن العادى البسيط يعنى مش هيعرف ياخد باله من الفرق في اللحوم .. ربات البيوت كمان مش هتعرف ....؟؟؟؟
الغريبه ان ماحدش عرف الفرق
دا اكيد معناه ان الناس دى اتعودت عليها ولا حاجه وبما ان اكيد ان موضوع دبح الحمار دا مش وليد السنه دى ...يبقى ميه في الميه الناس لازم تشفق على الحمار يا عينى .. دا غلبان وطيب وصبور وكمان هوا اللي بيأكلنا هوا .. !!!!!!!!!!!!!
الفرق يا جماعه علشان اللي مايعرفش بس يعرف وينتبه وياخد باله مش اكتر يعنى
ان لحم الحمار بعد الدبح بعدة دقايق لونه بيكون غامق عن اى لحوم احنا اتعودنا عليها (احمر دموى غامق جدا اكن لو لحم الحمار دا دم متجمد شويه )
كمان عند الشراء تاخد بال حضرتك من ُسمك العضل
عضل الحمار بيكون رفيع بمقدار الربع عن عضل البقر والجاموس
اما لحوم الجمل طبعا دى مميزة جدا هيا ولحوم الماعز والخراف
ندخل في الطعم يا هانم
طعم لحم الحمار بيكون حلو .. مسكر .. والريحه مش مألوفه .. بس احيانا كتير بتعدى على الناس .. عادى يعنى
اما اذا لو دخل في الوجبات السريعه اللي بتتباع برا البيت ... فاطمن حضاراتكم ان لحم الحمار والكلاب وخلافه مافيش فرق مع التتبيله والشوى و ... و... والريحه الجنان
يعنى بالعربي كدا مش بيباااااااااااان نوع اللحم

اتمنى ان كلنا ناخد بالنا كويس من المواضيع اللي بتحصل دى ونكون حريصين اكتر من كدا

وبكدا نكون قدرنا حتى نعرف سر تعاطفنا مع الحمار المسكين ... وعرفنا كمان سر انتشار الأغنيه الشهيرة بحبك يا حمار للمطرب العظيم جدا الاستاذ المبجل سعد القصير
هههههههه

من طرف reda elra7man 14/4/2008, 20:02

بطلي تنهقي بقى
هههههههههههههههههه
انا عرفت السر شكلك أكلتي كتييييييييير ههههههههههههههه
وانا أقول البت دي مالها لا حول ولا قوة الا بالله
ههههههههههههههههههه

من طرف **mark71** 23/4/2008, 20:18

جريمة في حق الحمير ان تذبح وتؤكل...من هنا اوجه النداء الى جميع الحمير المضطهدة في العالم واقول لهم....يا حمير العالم اتحدوا

من طرف عادل 9/5/2008, 17:51

هو يعني اية لحمة
الاسم دة بسمعة كتير ومعرفش معناة
يكنش قصدك الحاجات اللي بتكون متعلقة عند الجزار
انا فاكر الحاجات دي كنا بناكلها زماااااااااااااااااااان

من طرف **سندس** 14/5/2008, 22:08

الحمد لله انى باكل لحم خرفان

بس الخوف ليكونو بيبعولنا لحم الكلاب
على انها خرفان هههههههههه

بحبك يا حمار ....!!!؟

بحبك يا حمار ....!!!؟

رد: بحبك يا حمار ....!!!؟

رد: بحبك يا حمار ....!!!؟

رد: بحبك يا حمار ....!!!؟

رد: بحبك يا حمار ....!!!؟