علشان ما تنضربش علي قفاك

من طرف **المتمرد** 16/4/2008, 18:25

السلام عليكم ورحمة الله وبركاته

ظابط شرطة سابق إسمه محمد عفيفي يصدر كتاب إسمه ... علشان ما تنضربش علي قفاك

علشان ما تنضربش علي قفاك Kafak

أصدر ضابط شرطة سابق كتابا جديدا يشرح فيه للمواطن المصري حقوقه عندما يتعامل مع رجال الامن وكيف يمنعهم من اهانته والتعدي عليه.

ويقول المقدم عمر عفيفي إن خبرته وطول فترة عمله في الوزارة كانا دافعا له لإصدار كتاب في صيغة سؤال وجواب يشرح فيه للمواطن البسيط حقوقه وواجباته، ويعرفه بمصطلحات كثيرة يجهلها مثل الفرق بين التحري والكمين وإذن التفتيش، ومن يجوز له تفتيش سيارته أو زوجته تفتيشا ذاتيا وكيف يمكن أن يشكو ضابطا عذبه أو لفق له تهمة

ويشير في كتابه والذي جاء تحت عنوان "عشان ما تنضربش علي قفاك" انه لم يكن راضيا عن الأوضاع داخل الوزارة والطريقة التي يعاملون بها المواطن، والضغوط التي يمارسها الرؤساء علي الضباط، فاستقال وعمل محاميا ومدربا في مجال حقوق الإنسان
ويؤكد عمر أنه طوال فترة عمله في الوزارة لم يعذب مواطنا ولا صفعه أو أهانه، لأن قوة القانون أكبر من قبضة أمناء الشرطة

ويضيف: يلجأ الضباط إلي هذه الأساليب بسبب ضعف إجراءاتهم القانونية وضغوط رؤسائهم والرغبة في الترقية، كما أنه كلما ازدادت المناطق فقرا ازدادت انتهاكات الضباط للمواطنين، حسبما ذكرت جريدة المصري اليوم
عفيفي استغرق ثلاث سنوات في الإعداد لهذا الكتاب الذي يمثل تلخيصا لقوانين الإجراءات والعقوبات والشرطة والمرور والآداب، ويتمني أن يشتريه المواطن البسيط
ويستطرد: عمل الشرطة قائم علي جهل الناس بالقانون، وهو جهل متعمد، لأن الوزارة لا تنظم حملات توعية سوي لتعريف المواطن بواجباته دون حقوقه، مما خلق نوعا من التوتر بين الشرطة والشعب، ويجب علي الوزير أن يطبع كتابي علي نفقة الوزارة ويوزعه بأسعار رمزية علي جميع فئات الشعب، وذلك لتعريفهم بحقوقهم قبل مطالبتهم بالواجبات

كما يشار إلى أن عفيفي قد تدرج من العمل كضابط في مباحث المخدرات ومكافحة جرائم النشل والأمن المركزي والمرور، إلى أن أصبح مأمورا لسجن الإدارة العامة للمباحث.. في رحلة طويلة استغرقت 20 سنة من العمل في وزارة الداخلية، وانتهى الامر بالجل إلى تقديمه طلب إحالة إلي المعاش نيجة إصابة عمل

وبقية المعلومات التي توصلت اليها
أن هذا الكتاب بيع منه في خلال أول عشرة أيام لنشره خمسون ألف نسخة
وقامت بعدها وزارة الداخلية بمصادرة كل النسخ بالأسواق
رغم أن هناك تعاقدات على 300 ألف نسخة للنشر
والأغرب
أن مؤلف هذا الكتاب أخيرا فر بجلده من أرض الوطن بعد ما تعرض للتهديدات قيل في بعض المصادر أنه مسموح باطلاق الرصاص عليه
كل هذا أثار حفيظتي على وجوب العثور على ذلك الكتاب ونشره على النت

اليكم نسخة من هذا الكتاب

http://www.up-eibda3.com/ma7dod/ma7dood-afak.PDF

اضغط كليك يمين واختار
save target as
واختار المكان اللى عاوز تخزن فيه الكتاب على جهازك

او نزله من الرابط التالى

http://www.4shared.com/file/44153719/557ec4c7/Afak.html

النسخه بصيغة
Adobe Reader

من طرف reda elra7man 16/4/2008, 21:35

قريت عنه وانسحب من ألسوق
هههههههههههههههههه
شكل واحد معرفه خبره عجبه الكتاب
ههههههههههههههههههههههه
فقال نقراه

من طرف reda elra7man 16/4/2008, 21:52

على فكره الكتاب ده عادي جدا ماهو الا انه لامم حقوق المواطن وحطها في كتاب يعني كل أغلب المثقفين عارفينها الغريب كان قرار سحبه من الأسواق ؟؟؟
وده حاجه من ألأتنين اما الحكومه مش عاوزه تعرف البسطاء حقوقهم التي باتت لا تخفي على الجاهل قبل العالم
أو ان تجميع الحقوق كلها هايفتح عيون من اغفل بعضها
في كلا الحالتين الكتاب انتشر أصلا هههههههههههههه

من طرف **المتمرد** 17/4/2008, 17:52

الكتاب فى نظرى غير عادى

رغم صغر حجمه

لان اغلب الناس جبنا يقول اضرب على قفايا واروح احسن ياعنى هو انا اقدر اعمل حاجه

ولو اتكلمت هيتلفقلى قضيه

بيقول كده علشان مش عارف ان ممكن ياخد حقه

وفى كتير من ضباط الشرطه فكرين نفسهم فوق القانون

لازم الناس تعرف حقوقهم زى ما الحكومه طالبه واجبتها

علشان يبقا فى حاجه بتتنفذ اسمها قانون

واللى بيضرب على قاه ويسكت يبقا يستاهل كل يوم ياخد على قفاه

انما لو كل واحد عارف حقه يبقا كل ظابط ولا عسكرى يعرف ان هيبقالو نهايه

انا عن نفسى شفت وانا عندى 18 سنه كنت راكب اتوبيس ولقيت واحد بيشتم راكب من الركاب

وقالو انا هعمل فيك وهسوى فيك فى القسم بيعرف الناس ياعنى انو حاجه فى الشرطه

وقام ادا الراجل بالاقلام على وشو

والراجل ساكت وبيعيط

مين ده اصلا عشان يضرب الراجل قدام الناس

وليه التانى ده خايف وبيعيط

والجواب

ان ده فاكر نفسه مادام فى الشرطه يبقا يقدر يعمل اى حاجه

وان الراجل اللى اتضرب جبان وكمان مش عارف انه يقدر ياخد حقه بالقانون

وواقعه تانيه حصلت معايا من سنتين تقريبا

كنت راكب المترو وكان المفروض انزل محطه معينه وكان معايا ورق بقراه فسرحت وفاتتنى المحطه

فنزلت المحطه اللى بعديها عشان اغير للمترو اللى راجع

فقابلنى واحد قالى جى منين قلتلو من كذا قالى ورايح فين قلتلو المحطه الفلانيه

قالى ومانزلتهاش ليه قلتلو سرحت قالى فين تذكرتك ورتهالو

قالى فين بطاقتك اديتهالو قالى هات عشره جنيه غرامه قلتلو انتا مين اصلا قالى من الشرطه

قلتلو اللى معايا دى تذكره ولا لاء غرامه ليه

قالى هتدفع ولا هاخد بطاقتك واعملك محضر وتبقا تاخد بطاقتك من القسم

قلتلو مش همشى الا اما اخد البطاقه ومش دافع غرامه لانى معايا التذكره

وهو خاف لما شاف كرنيه الشغل وادانى البطاقه

واتفاجئت لما هديت ان صوتى كان على جدا ووشى من الغضب احمر وبقيت فى قمة النرفزه

واكتشفت ان كان عاوز ياخد الغرامه دى لنفسه

فا انا او غيرى لو جبنو ومعرفوش حقهم يبقا نستاهل

عشان كده الكتاب ده بدايه كويسه عشان الناس تعرف حقوقها ومتضربش على قفاها

طولت انا اورفوار بقا

من طرف reda elra7man 17/4/2008, 20:35

لأ شجاع ياأخ ههههههههههههه
اجري يابني العب بعيد انت منين ؟
اللي بتحكيه ده لا يمثل 1/1000 من اللي بيحصل لو عاوز تتكلم بجد في كتب تانيه فاضحه الحكومه بجد مش قفا ولا بتاع انا عندي هنا فضايح الحكومه المصريه حاجات بقى مش ممكن تتخيلها وفي كتب تانيه بقى موضحه الحقيقه أكتر من كده اللي مستغرباه ليه ماانسحبتش وانا قريتها على فكره بلاوي بقى بجد الواحد كان هايعيط بس ع اللي بيحصل في الناس من مجرد القرايه مش تقولي تذكره ماحصلت معايا مليون مره والحركه معروفه اصلا
بص ظباط الشرطه بقت فضيحتهم بجلاجل هههههههههههه
مش محتاجه كتب انت ماقريتش عن الانتقادات الأروبيه للسياسه المصريه
حاجه مهمه انت اتكلمت عن موقف راجل انت شوفته طب لو شوفت سيده عجوز تتوسل لظابط شرطه وهو بيضربها وتقوله يابني انا ذي امك يسبها بكل سفاله هاتقول أيه ؟؟؟؟
مش هاكملك اللي بيحصل افظع من كده انا قريت عنه ومش هاقولك اسم الكتاب هههههههههههه
بس بجد انا عمري ماهانسى اللي قريته في الكتاب ده كان من دكتور معرفه لما كنت بدافع عن البلد بحرقه قالي هاعرفك البلد على حقيقتها وكمان موضوع فضايح الشرطه المصريه ابحث عنها ع النت هاتلاقيها طلعني انا منها لو عاوزها هابقى اخلي حد يوصلها لك
مش الكتاب ده اللي هايعرفنا حقوقنا احنا عارفينها مش دي المشكله المشكله اذاي ناخدها؟؟؟؟؟
هو ده اللي ناس بتسعى ليه في الفتره دي

من طرف **المتمرد** 17/4/2008, 20:51

معاكى ان فى فضايح اكبر

ومش بقول ان الكتاب احسن كتاب

بس للانسان العادى البسيط فى معلومات اساسيه ومش متعمقه

من طرف **وفاء محمود** 25/4/2008, 01:34

اللهم اغفر له ولوالديه وللمسلمين اجمعين

ما فيش حاجه اسمها عادي ومش عادي باي كتاب يا لف

في معلومه مهما صغر الكتاب او كبر

ولو كانت المعلومه ليست ذو قيمه ليكي

احتمال تغير حياة بني آدم تاني

لا تستهيني بالكتاب

فهو فعلا زي ما قال هيثم

اكيد استفادو منو كتير سواء من المثقفين او الناس البسطا

والناس البسطا عددهم مش بسيط واكيد انتي عارفه كدا كويس

وشكرا