أمى

يـــا امـــايـــا

يا امايا يا نسمة .. شايفك و مبتسمة
و مفكراني بعيدك .. و العيد ده مش عيدك
سيبتينا ليه بدري؟! و عينيه جواكي
و إيديه مكتوفة .. كان نفسها في إيدك
شايفك .. و زي زمان .. مش ممكن أنسي زمان
و لا قعدتك بيننا .. و لا لمتك لينا
و نروح شمال و يمين .. و نغيب سنه و سنين
نرجع نلاقيكي .. في نفس كرسي زمان
نجري .. تضمينا
قلبك عجيب يا امه .. حسانا في الضمه
حسانا في الضلمه .. و نورك بيهدينا
زمن غريب دوار .. القلب فيه احتار
نفس .. و بعده نفس .. و في لحظه فوتينا
سكينة دبحانا .. و مقطعه فينا
نفس .. و بعده نفس
و رحتي بعيد
يا مقسم المواعيد
إمتي حنلقاها .. إمتي حتلقينا
قلبي صغير .. ضعيف .. عايز يروح لأمه
يا رب إمتي اللقا

اللهم ارحم موتانا جميعاً و أدخلهم فسيح جناتك

بمناسبة عيد الأم اللى بيقلب علينا المواجع كل سنة

الله يسامحك يا نور

تصدقي بجد عندك حق زنبهم ايه اللي مامتهم متوفيه يتذكروا وفاتها في اليوم ده
بس الولد الصالح مش بينسى (اذا مات ابن آدم انقطع عمله الا من ثلاث صدقة جاريه او علم ينتفع به أو ولد صالح يدعوا الله
اللهم أغفر للمسلمين والمسلمات ألمؤمنين والمؤمنات ألأحياء منهم ,وألأموات انك سميع مجيب الدعوات