منتهى البراءة (على سلامه)

من طرف **didi** 28/2/2008, 03:25

بمنتهى البراءه.. سألتنى بنتى نور .. ف اربع خمس امور
مش في كتاب القراءة ..
قالتلي : بابا يا بابا .. مش انت يا بابا بتكتب اغانى وتقول اشعار...؟!!!
طاب انا سمعت الشيخ يا بابا بيقول انك يا بابا هتروح النار ..!!
زى الناس الوحشين الحراميين الكفار ..
قوللي يا بابا .. يعنى ايه استعمار ..؟
ويعنى ايه غرب ..؟ ويعنى ايه نيل ...؟
مين اللي حط النسر فوق العلم...؟
قوللي يا بابا يعنى ايه انتخاب ..؟ ويعنى ايه حر ..؟
ويعنى ايه نصاب ...؟ويعنى ايه كداب ...؟
ويعنى ايه هجاص..؟ ويعنى ايه اغتلاس..؟
يعنى ايه خصخصه ...؟ ويعنى ايه يا بابا معارضه...؟!!!
ويعنى ايه مظاهرة ...؟ طاب ليه النهارده خدنا اجازة من المدرسه ...؟!!!
يا بابا .. قوللي يا بابا يعنى ايه قهر ..؟ وأين يقع خط الفقر ..؟!!
ويعنى ايه حظ ..؟ ويعنى ايه زهر ...؟
يعنى ايه يا بابا انسان ..؟ !! ويعنى ايه حريه ..؟
ويعنى ايه سرطان ...؟
يا بابا .... يعنى ايه خربوها .. يا بابا ..؟!!! ومين دول اللي خربوها ..؟!!! طاب وانت كنت فين لما خربوها يا بابا...؟!!!!
ومين سمارا اللي بتقول عليها دى يا بابا ...؟!!!
وازاى ضاعت من قلبك سمارا ...؟
يا بابا .. أنت معايا ...!! في ناس بتقول كفايه !! وعساكر ماسكين عصايه !!
وبنات متعورين !! وتانيين بيضحكوا يا بابا ...!! هما دولا اسرائيليين يا بابا ...؟!!

قولتلها : يعنى يا نور .... هيا قناة اسبيس تون رقم كام ...؟؟؟ وخدتها عشان ننام

من طرف **didi** 1/3/2008, 01:04

:..*..: :..*..: :..*..:

من طرف **مسلم** 1/3/2008, 11:37

منتهى البراءة (على سلامه)

منتهى البراءة (على سلامه)

رد: منتهى البراءة (على سلامه)

رد: منتهى البراءة (على سلامه)