أيه يا بلاد يا غريبة

من طرف **المتمرد** 12/6/2008, 13:05

إيه يا بلاد يا غريبة .. عدُوة ولا حبيبة؟

في الليل تصحي عيونِك .. و نجومِك مش قريبة

بلاد معرفش ناسها .. و لا عارفاني بيبانها

و ماليش شبر في أساسها .. و لا طوبة في حيطانها

و خطاويَّه غريبة

عالَم رايحة و جايّة .. و أنا مين و فين مكاني؟

و إيه آخر الحكاية؟ و إيه اللي رماني؟

يا خطاويَّه الغريبة

دنيا ولا متاهة؟ دايرة و بندور وراها

في صبحها و مساها .. آهة و راها آهة

يا خطاويَّه الغريبة

سيد حجاب