الحقنا ياريس

من طرف **المتمرد** 21/6/2008, 08:31

الحقنا يا ريس

الحقنا يا ريس حالنا مش كويس

فى حكومة نظيف مش لاقيين الرغيف

ووزير التموين ياعينى عليه مسكين

الناس واقفه طوابير هيلاحق على مين؟

و وزير الماليه حساباته مهلبيه

من غير ضمير و افكاره يهوديه

ووزير التجاره قوله يدينا أماره

بنسأله عن المكسب ادانا الخساره

اما عن الداخليه فصوتى يا وليه

داخلها مفقود والخارج مالوش ديه

ووزير الخارجيه بيلف كعب داير

بندور عليه ....... بيقولولنا هاجر

اما عن التعليم فاسأل المعلمين

قال حطوهم فى كادر وادوهم ملاليم

وياعينى على الطلبه وأولياء الأمور

فخلاص فى الشوارع بينظموا المرور

والمواصلات كمان بقت اخر جنان

مش بتكلم عن الزحمه بتكلم عن النظام

ولا الميكروبصات شغل اراجوزات

والاتوبيس زحمه وغاليه التاكسيات

ووزير القوى العامله عمل ايه فى البطاله؟

شبابنا ياقاعد ع القهاوى يا غرق فى العباره

ووزير الثقافه شغال فى الهيافه

ياريت يسيب الوزاره ويروح يبيع جوافه

ووزارة الاعلام حدث ولا حرج

قولوا عليها ياباسط يمكن يجينا الفرج

الحقنا ياريس خلاص الكيل طفح

ياتغير الوزاره يا تودينا رفح

ولا نروح اسرائيل او ياخدنا عزرائيل

الحقنا يا كبير العيله دى حالتنا اخر نيله

من طرف سامى على 23/6/2008, 23:45

ياعم البلد خربانه وبعلم الريس خربانه والبركه فى توجيهات سيادته خربانه خربانه و27سنه من حكمه خربانه خربانه :ud]sud]:

من طرف reda elra7man 24/6/2008, 20:01

لما الريس يرد عليك ابقى قولي
ههههههههههههههههههه
في موضوع شخصي بيني وبينه
ههههههههههههههههههه
وهات لي 2 كيلو جوافه معاك من عند بتاع التموين
ههههههههههههههههه

من طرف فلوريندا 28/7/2008, 08:47

ههههههههههههههههههههههههههههههه
أنا من رأيي نروح رفح
أوياخدنا عزرائيل
ياريت تركزو على حتة المعلمين
علشان دول غلابة اوى

الحقنا ياريس

الحقنا ياريس

رد: الحقنا ياريس

رد: الحقنا ياريس

رد: الحقنا ياريس