واحد .. اتنين .. الجيش العربى فين ؟

من طرف **المتمرد** 4/1/2009, 01:33

واحد أتنين الجيش العربي فين
الجيش العربى في مصر
ساكن في مدينة نصر
يصحى من النوم العصر
وبيفطر شاي و منين
واحد أتنين الجيش العربي فين
الجيش العربي في سوريا
حالق ع الموضة كابوريا
وعلي طريقة فيكتوريا
خلى التروماي بدورين
واحد أتنين الجيش العربي فين
الجيش العربي الليبي
زي الفن التكعيبي
كله بتنجان ياحبيبي
والظاهر واخد عين
واحد أتنين الجيش العربي فين
الجيش العربي خليجى
لا في حيل لا يروح ولا ييجي
هذا صمت إستراتيجى
إيش فيك يا غراب الجين
واحد أتنين الجيش العربي فين
الجيش العربى فى تونس
أخضر مثل البقدونس
و عزيزه بتعشق يونس
تبقى الحروب بعدين
واحد أتنين الجيش العربي فين
الجيش العربى سودانى
سامع خطوته بودانى
هوه أنا ههجم فردانى
يلا أرجع يا أبو حسين
بلاش كلام فاضى يا شيخ
واحد أتنين الجيش العربي فين
الجيش العربى أتهان
يوم ماأنضربوا الأفغان
و سكت فى البوسنه زمان
الجيش العربى أتهان

يوم ماضربو لبنان
يوم ما احتلو الجولان
يوم ما نهبو فلسطين

الجيش العربى أتهان
و قبل يأكل بالدين

واحد أتنين الجيش العربي فين

*

https://www.youtube.com/watch?v=E5d4sSs2Xsc
*

من طرف reda elra7man 4/1/2009, 04:49

لا حياة لمن تنادي
لو قعدت تصرخ من هنا للسنه الجايه ماحدش هايرد عليك واحتمال يقولوا عليك مجنون او ارهابي او تعمل على قلب نظام الحكم ده لو حد عبرك اصلا

واحد .. اتنين .. الجيش العربى فين ؟

واحد .. اتنين .. الجيش العربى فين ؟

رد: واحد .. اتنين .. الجيش العربى فين ؟