أساسيات في فن التعامل مع الكمبيوتر

هذي بعض الأساسيات أو القواعد المهمة جداااااااااااااااااااااااااا للمستخدمين الجدد

لا تحذف ملفات ما تعرفها
البعض يشوف ملفات بجهازه و ما تعجبه اسمها..شكلها وهو ما يدري وش هي ويحذفها و يمكن تكون هذي

الملفات ملفات نظام أو تعريف لبعض الاجهزة مثل كرت الشاشة أو كرت الصوت

لا تحمل برامج من مصادر مجهولة مهما كانت الأسباب
سواء كانت مواقع أو أقراص مدمجه CD-ROM وهذا أهم شي..لأنك في الحقيقة ما تدري وش بداخلها..

بعض المجلات ترفق مع العدد الخاص فيها سي دي للعبه أو برنامج ويكون هذا السي دي ملوث

بفايروس وفي ناس كثير تضرروا منها
و بعض المواقع ذات أهداف تخريبية ويكون في برامجها فايروسات مدسوسة

لا تفتح رسالة غريبة أو ملف تنفيذي تكون ذات امتداد مثل
.exe / .bat / .pif / .vbs / .scr
وهذي واااااااااااااضحه لازم تنتبه لها

لا تدخل مواقع مشبوهة أو غير متأكد منها


اعمل فحص دوري للجهاز عن طريق برامج فحص قوية
مثل برنامجي نورتن انتي فايروس و مكافي – للفيروسات
نورتن انتي تروجان و اد وير و الكلينر – لملفات التجسس
بس من الضروري عمل تحديث للبرامج بشكل دوري أيضا

نزل برامج فاير ول مثل برنامج الزون الارم


لا تشرب شي وأنت على الجهاز
البعض ما يحلا له شرب الشاي إلا وهو يشتغل على الجهاز

تجنب فتح أي ملف من شخص جهازه خربان و مشكوك في إصابته بفايروس


لا تفكر تسوي فورمات إلا إذا قضت جميع الحلول
البعض هاري جهازه فورمات .. اعرف ناس شهريا تقريبا يسوون فورمات
وإذا مر شهر و ما سووا اعرف إن الشهر الجاي فيها فيها من كثر المصايب اللي يسوونها بالجهاز

شهر حايسين بملفات النظام و شهر محملين فايروس و والشهر اللي بعده ودهم يغيرون النظام

و الشهر الرابع كذا بس تعودوا

اعمل تحديث للويندوز بشكل دوري
من خلال
Start – run – wupdmgr
Start – windows update

اعمل إلغاء تجزئه للقرص الصلب بشكل دوري أيضا
من خلال
Start – programs – accessories – system tools – disk defragmenter
حافظ على مروحة المعالج Processor وابعد عنها أي شي ممكن يغطيها
لان ارتفاع حرارة الجهاز بتسبب لك مشاكل

حافظ على نظافة الماوس
إذا حسيت إن حركته بطيييييئه و صعبه فكه من تحت و نظف الكره مع قاعدتها مهوب تضرب فيه بالطاولة و الجدار

اعمل لك قرص بدء التشغيل startup disk تحسبا لأي طارىء
وهذا تقدر تسويه إما عند إعداد الويندوز
أو
Start – settings – control panl add/remove programs
ومنها تختار startup disk و تدخل قرص فاضي

اعمل نسخه من الريجستري
إذا كنت من اللي يحوسون بالريجستري اعمل لك نسخه احتياطية للريجستري
Run – regedit ثم اشر على My computer و بعدها افتح قائمة registry
و منها تختار تصدير ملفات الريجستري Export registry file ثم اختار مكان للحفظ و اعمل save

اذا علق معك الجهاز سواء من برنامج او ملف وش تسوي؟؟
كحل مبدئي
اضغط على Alt + Ctrl + Del في لوحة المفاتيح و دور على أي شي مكتوب جنبه عدم استجابه

و اشر عليه و اضغط انهاء المهمه
واذا ما نفع معك تقدر تطفي الجهاز بالضغط على Ctrl + Esc

إذا علق معك درايف السي دي روم وعيا يفتح وش تسوي؟؟
سهله راح تلاقي في الباب فتحه صغييييييييره مدوره دخل فيها شي (( ابره مثلا )) و راح يفتح

الدرايف معك على طول



وعندي بعض الأفكار الاختيارية

احذف البرامج اللي ما تحتاج لها في بدء التشغيل
بعض البرامج إذا حملتها تشتغل معك أول ما تشغل الجهاز و تثقل عليه وأنت في الحقيقة ما تحتاج لها

ممكن تشيلها من
Start – run – msconfig
ومنها تختار start up
هناك راح تلاقي ملفات كثيرة أهمها 3 وهم
Scan registry
Task Monitor
System Tray
إما الباقي تقدر تشيلها و ترجع تشغلهم متى ما احتجت

عطل الكشف عن القرص المرن عند بدء التشغيل
إذا شغلت الكمبيوتر تلاقيه يحاول الكشف عن الدرايف الخاص بالقرص المرن و المدمج وهذا يأخذ وقت

حسب سرعة الجهاز وأنا أفضل تعطيل هالخاصيه لأنك ما تحتاج لها أول ما تشغل الجهاز

وإذا جيت تشغل قرص تقدر تشغله كالعادة على طول
تضغط على My Computer بالزر اليمين للماوس و تختار خصائص - الاداء

– نظام الملفات – القرص المرن
شيل علامة الصح الموجودة عند البحث عن محركات اقراص مرنه جديدة

في كل مرة تبدأ فيها بتشغيل الكمبيوتر


منقول للاستفاده