رسالة من الجنة

من طرف **وفاء محمود** 23/2/2008, 01:39

[center]رساله من الجنه

بقلم وفاء محمود

قررنا نحن اطفال فلسطين الشهداء والمقيمون في جنة الخلد عقد اجتماع طارىء لبحث الحال المزري الذي يعيشه شعبنا الصامد في فلسطين… وشعبنا النائم في الدول العربية الشقيقة.. لنخرج بنتيجة ان لا نتيجة ….. وان الحل ان لا نبحث عن الحل … فالثمن كان باهضا دفعه زملاءنا الشهداء مثلما دفعناه نحن. ودموع امهات لا تكاد دموعهن تجف حتى تسيل من جديد. لذا. لم يعد هناك فائدة من ارسال قراراتنا .. فامريكا دائما عقل يفكر .. وستبقى دائما يدا تنفذ.. واخواننا العرب شقت صدورهم لتحويها قلوب ميتة.. وفكرنا ان نرسل لهم برسائل استنكار لموقفهم البليد وسباتهم العجيب…. فوجدنا انهم لا يستحقون هذا الشرف .. وفي نهاية الاجتماع فكرنا بمن يستحق فعلا ذلك الشرف وهم اباءنا وامهاتنا واخواننا الاحباء في فلسطين… ونظرا لعددنا الهائل.. قررنا انتخاب ثلاثة منا يرسلون رسالة باسمنا.. يتكلمون فيها عنا.. فكان هناك انتخابات نزيهة.. خالية من أي شبهات.. انتخابات ديمقراطية..حقيقية.. فعلية.. ليس فيها صراع.. ولا فيها تزوير ولا حتى تبعية.. ليكون المتحدثون باسمنا هم اخوينا محمد الدرة وفارس عودة..واختنا ايمان.. وستكون رسالتنا باللغة العامية فربما تقع في يد عربي لا يفهم اللغة العربية الفصحى فتكون حجته واهية.. فيختصر عليه وعلينا ويقول .. لم افهم !!!!

رسالة من الجنة 16051510

بسم الله الرحمن الرحيم
بعد الصلاة والسلام على رسولنا محمد ببعتلكم احلى سلام.. انا ابنكم المشتاق محمد.. وقبل ما اقول أي اشي.. بقولك يما بكفي.. مستكثرة على ابنك الجنة.. نار دموعك يما بتكوينا.. يا يما ثوبك الاسود حرام.. البسي لون الفرح يما تتكمل فرحتنا ويبقى نور الجنة مضوينا.. زغردي.. زغردي يما ابنك شهيد.. بستنا اللقا وان شاالله الجنة يما بتحوينا.. وانت يابا.. لا تهكل هم.. انت دافعت عني وانا وانت عارفين والله العالم فينا.. رب العالمين اختار .. نصيبي اموت بحضنك يابا والناس بتتفرج علينا.. وانت يا خوي لا تعذبني بدموعك.. اخوك محمد ما مات .. انا عند رب العالمين وملايكته بتحمينا.. دير بالك على امي وابوي.. وقول لخواني مشتاقلهم وبدعي لربي انو هون يلاقينا.. وقول لكل واحد بكى علي .. لا تحزن محمد هو اللي حزنان علينا.. محمد ربو معاه.. واحنا مين داري فينا.. وسلام ورحمة الله وبركاته عليكم وعلينا

رسالة من الجنة 16011510

(الرسالة الثانية)
شهيد من الجنة ببعث لاهل الارض …. انا فارس والفارس فيكم وين .. وقفت بوجه دبابة بايدي بس الحجر ومعي رب العالمين!!!!!
يا يما امسحي دموعك … عمين بدك تبكي ولا على مين .. بيقولوا الاقصى ملك المسلمين……..وبيقولوا المهد ملك المسيحيين…ونسيوا انهم الاثنين ملك لمين؟!!!!!
الاقصى بصرخ مجروح وبينادي……والمهد بدمعة خجولة بترد وراه….والعرب بضحكوا على حالهم وبيقولوا صامدين!!!!!
امبارح حرقوا الاقصى ..واليوم جرحوا المهد ..ويا ترى بكرة الدور حيكون على مين؟!!!!!
شعب مسكين تحت الانقاض…..وشعب حزين بيقول شعارات..وقادة وملوك دفنوا الاول ولحقين التاني بسكين!!!!
الله … الوطن ….. الملك………..شعارهم ونادوا فيه كتير… نسيوا يصلوا لألله …….. ونسيوا يحرروا الوطن….. وللثالث دايما جاهزين!!!!!
يا يما لا تهكلي هم………………..اليوم فقدتي شهيد…بس لسه باقي ملايين!!!!!
ملايين لسه بتنادي…………..بتقول الله اكبر…..الله اكبر على قادة ظالمين!!!!!
عارفين هم شو الحل………….وقادرين يقدموا الدم….بس المهم مين يبدى مين؟؟؟؟؟
وسلام الله ورحمة منه وبركة علينا وعليكم اجمعين.

رسالة من الجنة 15751611

(الرسالة الثالثة)
انا اصغر الشهدا ايمان ويمكن في اصغر مني …. مو مهم.. المهم ما تبكي يما فديتك انا بدمي.. كان لازم تعيشي يما .. وتجيبي اولاد ثوار للوطن .. بس لا تنسي تحكيلهم عني .. مو بالغلط اجت الرصاصة..لو مهما حاولتي يما تبعديها عني .. قالولي اليهودي مدرب .. والغلطة مو منو الغلطة مني .. تحديتو وانا بحضنك..صغيرة كنت بس ما في اقوى مني .. وانت يابا ليش عم تبكي .. مو احنا اللي متنا.. قلوب العرب ماتت.. عزيهم يابا عنك وعني…
ما بعرف شو يعني امريكا.. وشو يعني اسرائيل .. بعرف بس يهودي خاف يومها مني.. بايده سلاح ما بعرف شو نوعه.. طخني وانا نايمة بحضن امي.. يمكن خاف اصحى واقاوم .. قالك بطخها انا قبل ما تقوم وتقاومني.. قال ايش مو خايف من كل العرب وخايف بس مني .. المهم يابا .. المهم يما .. لا تزيدوا همكم هم .. هون بالجنة عند اخواني ..لاتخافوا علي ولا تهكلوا همي.. الجنة يما ويابا حلوة …. وبتحلا يوم تكونوا معي وقريبين مني .. ديروا بالكم على حالكم والكم سلام الله وبركاته من جميع الاطفال ومني..
ويتبع…. اولادكم من الجنة

[/center

]

من طرف **mohamed** 26/2/2008, 21:38

من طرف **وفاء محمود** 28/2/2008, 08:52

***):

من طرف دولة الاْسلام 28/2/2008, 13:39

مشكورة فوفو على الموضوع الجميل..... اللهم ارزقنا الشهادة و احشرنا مع محمد و فارس و ايمان برحمتك يا ارحم الراحمين................محمد

من طرف **وفاء محمود** 28/2/2008, 13:52

آمين محمد...يرزقنا واياكم الجنه

رسالة من الجنة 370991

من طرف عبدالرحمن ابراهيم 29/2/2008, 12:45

اللهم ارزقنا شهادة فى سبيلك يا ارحم الراحمين واصطفينا لنكون شهداء
فى سبيلك يارب

احبتى شهدائنا الأطفال انكم ان شاء الله فى جنات الخلد
تطيرون فرحا برزق الله اللى وهبكم اياه

انى والله اغبطكم والله اغبطمك انكم تركتم دنيا زائله لا تساوى عند الله
جناح باعوضه فى مقابل ذلك
جنات عرضها السموات والأرض
وانكم اول من تدخلوها يوم الحساب الشهداء اول من يدخلون الجنات
بلا حساب

اللهم ارزقنا اياها يا رب